Ідэя Школы польскага права – гэта інавацыйнае і унікальнае рашэнне, накіраванае на тое, каб пашыраць веданне польскай прававой сістэмы за яе межамі і адначасова даць магчымасць іншаземцам асвоіць асновы польскага права. У цяперашні час праект рэалізуецца ў асноўным для жыхароў Украіны і Беларусі.

Галоўнай мэтай праекта з’яўляецца стварэнне сеткі польскіх юрыдычных школ ва Украіне (Кіеў і Адэса) і Беларусі (Мінск), каб дзякуючы гэтаму садзейнічаць вывучэнню польскага права, распаўсюджванню ведаў аб польскім праве і эканоміцы шляхам навучання асновам польскай прававой сістэмы і польскай прававой  і юрыдычнай мовы, а таксама падтрымліваць акадэмічную мабільнасць, інтэграцыю студэнтаў і навукоўцаў з Польшчы, Украіны і Беларусі праз розныя мерапрыемствы, у тым ліку акадэмічныя заняткі, практычныя семінары (напрыклад, з удзелам прадстаўнікоў бізнесу), удзел у міжнародных канферэнцыях, моўных семінарах і навуковых стажыроўках, звязаных з даследаваннямі польскага права.

Галоўным каардынатарам і гарантам рэалізацыі праекта з’яўляецца Цэнтр даследаванняў права Усходняй Еўропы і Цэнтральнай Азіі Факультэта права і адміністрацыі Варшаўскага універсітэта.